Плей-оффнинг 1-раундидан ўрин олган "Интер Майами" - "Нэшвилл" (3:1) баҳсида Лионель Месси дубль қайд этди.

Учрашувнинг 19- ва 96-дақиқаларида аргентиналик гол муаллифига айланди. "Нэшвилл" Мессининг фаолияти давомида ўнта ёки ундан ортиқ гол урган 26-жамоага айланди, дея хабар бермоқда Inter Miami News Hub. Юлдуз ҳужумчи энг кўп "Севилья" дарвозасини ишғол қилган (38 марта), кейинги ўринларда Мадриднинг "Атлетико" (32), "Валенсия" (31), "Атлетик" Бильбао (29), Мадриднинг "Реал" ва "Бетис" клублари (ҳар бири 26 тадан) бормоқда.

Месси тез орада "сариқлар"га қарши ўйинда гол уриш кўрсаткичини яхшилаши мумкин - 2 ноябрь куни жавоб учрашуви бўлиб ўтади.