Pley-offning 1-raundidan o‘rin olgan "Inter Mayami" - "Neshvill" (3:1) bahsida Lionel Messi dubl qayd etdi.
Uchrashuvning 19- va 96-daqiqalarida argentinalik gol muallifiga aylandi. "Neshvill" Messining faoliyati davomida o‘nta yoki undan ortiq gol urgan 26-jamoaga aylandi, deya xabar bermoqda Inter Miami News Hub. Yulduz hujumchi eng ko‘p "Sevilya" darvozasini ishg‘ol qilgan (38 marta), keyingi o‘rinlarda Madridning "Atletiko" (32), "Valensiya" (31), "Atletik" Bilbao (29), Madridning "Real" va "Betis" klublari (har biri 26 tadan) bormoqda.
Messi tez orada "sariqlar"ga qarshi o‘yinda gol urish ko‘rsatkichini yaxshilashi mumkin - 2 noyabr kuni javob uchrashuvi bo‘lib o‘tadi.













