"Барселона" президенти Жоан Лапорта дисквалификация қилинган Ханс-Дитер Фликсиз "эл-класико"да жамоа қандай ўйнашини айтиб ўтди.
"Кўк-анорранглилар" бош мураббийи Ла Лиганинг аввалги турида "Жирона"га қарши ўйинда майдордан четлатилди. Германиялик мутахассис Мадриднинг "Реал" клуби билан бўладиган учрашувни ўтказиб юборишига тўғри келади.
"Флик ўриндиқда ўтиролмаслигини билади, аммо жамоа билан алоқада бўлиб турибди. У ва Маркус Зорг [ёрдамчи] биргаликда вазифани ҳал қилишдан мамнун - иккаласи ҳам бор эътиборини ўйинчилардан максимал даражада фойда олишга қаратган," - дея Лапортанинг сўзларини келтиради Barca Universal.
Эслатиб ўтамиз, "Реал" - "Барселона" учрашуви якшанба куни Тошкент вақти билан 20:15да бошланади.
