"Манчестер Сити" ҳимоячиси Йошко Гвардиол Англия Премьер-лигасида чемпионлик учун кураш мавзуси ҳақида фикр билдирди.
8 турдан сўнг "шаҳарликлар" 16 очко билан "Арсенал"дан (19) ортда, "Ливерпуль"дан (15) олдинда бормоқда. Улар ҳозирда иккинчи ўринни эгаллаб турибди.
"Мавсум бошида бизга паст баҳо беришаётгани сезилди. Ҳамма фақат "Арсенал" ва "Ливерпуль" ҳақида гапирарди. Кетма-кет муваффақиятли ўйинлардан сўнг, бизни ҳисобдан чиқариш керак эмаслигини ҳамма тушунади. Олдинда ҳали кўп ўйинлар бор - ўйлайманки, бизни қизиқарли мавсум кутмоқда," - дея Гвардиолнинг сўзларини келтиради журналист Роб Доусон.
Якшанба куни "Манчестер Сити" сафарда "Астон Вилла" меҳмони бўлади.
