"Манчестер Сити" сардори Бернарду Силва Англия премьер-лигасининг 9-туридан ўрин олган "Астон Вилла"га қарши ўйин олдидан жамоанинг ҳолати ҳақида гапирди.
"Мудофаада ўз ритмимиз ва барқарорлигимизни топдик. Бу ҳужумдаги ўйинчиларга ўз ҳаракатларини танлашда эркинлик беради. Мен доим айтаман, мудофаа барқарор бўлса, жамоа тўғри ҳимояланган бўлса, футбол ўйинларида ғалаба қозониш мумкин. Ўтган мавсумда бизга айнан шу нарса узоқ вақт етишмади ва биз айнан шунга - барқарорликка қайтмоқдамиз", - дея Силванинг сўзларини келтиради Daily Mail.
Англия чемпионатида ўтказилган 8 ўйиндан сўнг "Манчестер Сити" 16 очко билан турнир жадвалида учинчи ўринда бормоқда.
