Миланнинг "Интер" клуби ярим ҳимоячиси Генрих Мхитарян яқин ўйинларда жамоага ёрдам бера олмайди.
36 ёшли футболчи А Сериянинг сўнгги турида "Наполи"га қарши кечган ўйиннинг 32-дақиқасидаёқ захирага олинган эди. La Gazzetta dello Sport нашрининг ёзишича, Мхитаряннинг муаммоси дастлаб тахмин қилинганидан кўра жиддийроқ бўлиб чиқди. Арманистонлик футболчи тўрт ҳафтадан олти ҳафтагача сафдан чиқиши мумкин. Душанба куни текширув ўтказилади ва тикланишнинг аниқ муддатлари аниқланади.
"Наполи"га қарши кечган баҳс "Интер"нинг мағлубияти билан якунланди (1:3). 29 октябрь куни Кристиан Кивунинг жамоаси ўз майдонида "Фиорентина"га қарши баҳс олиб боради.
