Мадриднинг "Реал" клуби хавбеки Эдуардо Камавинга Испания Ла Лигаси 10-тури доирасида ўз майдонида Каталониянинг "Барселона" клубига қарши ўйиндан кейин пост қолдирди.
"Қаймоқранглилар" принципиал рақибини 2:1 ҳисобида таслим этди.
"Ўнг қанот вингери. Янги позиция очилди," - дейилади 22 ёшли франтсиялик ярим ҳимоячининг постида.
Кечаги муваффақиятдан сўнг Хаби Алонсо шогирдлари Испания чемпионати турнир жадвалида биринчи ўринни мустаҳкамлаб олди. "Қироллик клуби" 27 очко тўплади. "Барселона"га келсак, Ханс-Дитер Флик жамоаси 22 очко билан иккинчи ўринда бормоқда.
