Франциянинг «Пари Сен-Жермен» клуби ҳимоячиси Ашраф Ҳакимий якшанба куни Мадриддаги «Сантьяго Бернабеу» стадионида бўлиб ўтган «Реал» — «Барселона» учрашувини томоша қилди.
26 ёшли марокашлик футболчи VIP-ложада ўйинни кузатган ва беллашувдан сўнг ижтимоий тармоқларда у билан боғлиқ суратлар тарқалди.
«Эл-класико»да «Реал Мадрид» ғалаба қозонди — учрашувдаги голларини Килиан Мбаппе ва Жуд Беллингем урди (2:1).
Ашраф Хакимий — «Реал» академияси тарбияланувчиси. У асосий жамоа таркибидан мустаҳкам жой олишга муваффақ бўлмаганидан сўнг, 2020 йили клубни тарк этиб, «Интер» сафига йўл олган. 2021 йилдан буён эса у «ПСЖ» шарафини ҳимоя қилиб келмоқда ва ўтган мавсумда жамоаси билан Европа Чемпионлар лигаси ғолиби бўлган.
