"Реал"нинг захира дарвозабони Андрей Лунин "эл-класико"нинг сўнгги дақиқасида жанжаллашиб, қизил карточка олди. The Athletic хабарига кўра, Мадрид клуби украиналик футболчи нима учун четлатилганини тушунмаяпти, чунки Лунин шунчаки Винисиус Жуниорни "Барселона" футболчиларидан ҳимоя қилган. "Қаймоқранглилар" апелляция бериш арафасида.
"Реал" ўз майдонида "Барселона"ни 2:1 ҳисобида енгди. Мадридликлар сафида голларга Килиан Мбаппе ва Жуд Беллингем муаллифлик қилди. "Қаймоқранглилар" Ла Лигада "кўк-анорранглилар"ни 5 очкога ортда қолдириб, пешқадамлик қилмоқда.
Испания чемпионатининг навбатдаги турида "Реал" ўз майдонида "Валенсия"ни қабул қилади. Учрашув ноябрь ойининг биринчи оқшомида бўлиб ўтади.
