Шимолий ирландиялик Брендан Рожерс "Селтик" бош мураббийлигидан истеъфога чиқди, дея хабар берди Шотландия клуби матбуот хизмати.
"Клуб Бренданнинг "Селтик"даги икки йиллик жуда муваффақиятли фаолияти учун унинг хизматларини қадрлайди. Брендан "Селтик"ни клубнинг доимий муваффақиятлари даврида ўйнаган роли учун миннатдорчилик билдирган ҳолда тарк этади ва биз унга келажакда ҳам муваффақиятлар тилаймиз," - дейилади "Селтик" баёнотида.
52 ёшли мутахассис 2023 йилнинг июлидан буён "Селтик"да ишлаб келаётганди. Бу вақт ичида у икки марта Шотландия чемпионати, Шотландия кубоги ва Шотландия лигаси кубогини қўлга киритди.
"Селтик" Шотландия чемпионатининг 2025/26 йилги мавсумида пешқадам "Хартс"дан 8 очко ортда қолиб, 2-ўринда бормоқда.
