"Тоттенхэм" бош мураббийи Томас Франк жамоа ҳимоячиси Микки ван де Веннинг жорий мавсумдаги формаси ҳақида фикр билдирди.

"Менимча, у ҳақиқатан ҳам ўсиб бормоқда ва олдинга катта қадам ташламоқда. Умуман олганда, мен ундан жуда мамнунман. Менимча, у тобора кўпроқ етакчилик функцияларини ўз зиммасига олмоқда. У борган сари яхшироқ ҳимояланмоқда, нафақат ўз тезлигидан, балки пухтароқ позициялардан ҳам фойдаланмоқда. Бундан жуда хурсандман," - дея Франкнинг сўзларини келтиради The Spurs Express.

Жорий мавсумда 24 ёшли ван де Вен барча мусобақаларни инобатга олган ҳолда 13 та учрашувда иштирок этди ва 5 марта рақиблар дарвозасини ишғол қилди.