"Лилль" марказий ярим ҳимоячиси Айюб Буадди Европанинг етакчи клублари радарига тушиб қолди. Бу ҳақда журналист Экрем Қўнур хабар бермоқда.
Манбага кўра, сўнгги ҳафталарда "Лилль" ўйинларига Италиянинг "Ювентус" клуби скаутлари ташриф буюрган ва улар 18 ёшли Буадди ўйинини кузатишган. Қайд этилишича, хавбекнинг ўсишини "Арсенал," "ПСЖ" ва Дортмунднинг "Боруссия" клублари ҳам диққат билан кузатиб бормоқда.
Буадди жорий мавсумда барча мусобақаларда 12та ўйинда майдонга тушди ва самарали ҳаракат қилмади. Футболчининг "Лилль" билан шартномаси 2027 йилгача мўлжалланган. Transfermarkt портали маълумотларига кўра, французнинг бозор нархи 30 миллион еврони ташкил этади.
