"Наполи" А Сериянинг 9-турида "Лечче"ни минимал ҳисобда мағлуб этди. Ягона голга 69-дақиқада Андре-Франк Замбо-Ангисса муаллифлик қилди.
"Бундай ўйинларда ҳеч қачон осон бўлмайди, шунингдек, "Интер" билан ўтган ўйинда қанча куч сарфлаганимизни ҳам ҳисобга олиш керак. Бизга жуда жиддий рақиб қаршилик кўрсатди. Биринчи бўлимни яхши ўтказдик, кейин ўйинни ўзгартириб юбориши мумкин бўлган пенальти бўлди, аммо дарвозабонимиз буни аъло даражада уддалади. Биз ҳақли равишда ғалаба қозондик", - деди Конте DAZN билан суҳбатда.
"Наполи" 21 очко билан ҳамон турнир жадвалида пешқадамлик қилмоқда. Шанба куни амалдаги чемпионлар ўз уйларида "Комо"ни қабул қилишади.
