"Тоттенхэм" "Астон Вилла" яримҳимоячиси Морган Роджерсни ўз сафига қўшиб олишда муваффақиятсизликка учради. Ўтган ёзда "шпорлар" "вилланлар" юлдузи учун "ақлдан озган" миқдорда пул тўлашга тайёр эди, дея хабар беради инсайдер Фабрицио Романо.
Бирмингем клуби раҳбарияти бунга рад жавобини берди. Айни пайтда "Астон Вилла" 23 ёшли футболчи билан янги шартнома тузиш устида фаол иш олиб бормоқда. Морган Роджерснинг Transfermarkt сайтидаги тахминий нархи - 65 млн евро.
Англия терма жамоаси хавбекига "Челси," "Ливерпуль," "Арсенал" ва Англия премьер-лигасининг бошқа клублари ҳам қизиқиш билдирмоқда.
