"Манчестер Сити" бош мураббийи Хосеп Гвардиола футболдаги ўзгаришлар ҳақида фикр билдирди.
Сўнгги пайтларда Премьер-лига жамоалари ҳужум қуроли сифатида аутдан тўп ташлаш жараёнидан тобора кўпроқ фойдаланмоқдалар.
Журналистлар испаниялик мураббийдан бу ўйин сифатига салбий таъсир кўрсатадими, деб сўрашди.
"Футбол футболлигича қолмоқда. Ўйин шунчаки ривожланмоқда. Ҳа, жамоалар аутдан тўп ташлаш жараёнларидан ҳужум уюштиришда кўп фойдаланмоқдалар, жарима майдончасини ўнта ўйинчи билан тўлиқ тўлдирмоқдалар.
Биз "Брентфорд"га қарши ўйинда азоб чекдик ва "Ливерпул" учун худди шу рақибга қарши ўйин қанчалик қийин бўлганини кўрдик. Бу бугунги футбол. Стандарт вазиятлар ҳар доим таҳдиддир", – деди мураббий.













