"Manchester Siti" bosh murabbiyi Xosep Gvardiola futboldagi o‘zgarishlar haqida fikr bildirdi.
So‘nggi paytlarda Premyer-liga jamoalari hujum quroli sifatida autdan to‘p tashlash jarayonidan tobora ko‘proq foydalanmoqdalar.
Jurnalistlar ispaniyalik murabbiydan bu o‘yin sifatiga salbiy ta’sir ko‘rsatadimi, deb so‘rashdi.
"Futbol futbolligicha qolmoqda. O‘yin shunchaki rivojlanmoqda. Ha, jamoalar autdan to‘p tashlash jarayonlaridan hujum uyushtirishda ko‘p foydalanmoqdalar, jarima maydonchasini o‘nta o‘yinchi bilan to‘liq to‘ldirmoqdalar.
Biz "Brentford"ga qarshi o‘yinda azob chekdik va "Liverpul" uchun xuddi shu raqibga qarshi o‘yin qanchalik qiyin bo‘lganini ko‘rdik. Bu bugungi futbol. Standart vaziyatlar har doim tahdiddir", – dedi murabbiy.
