Бразилиялик ярим ҳимоячи Лукас Пакета январь ойидаги трансферлар ойнасида Лондоннинг "Вест Хэм" клубини тарк этмоқчи экани ҳақидаги хабарга изоҳ берди.
Daily Mail хабарига кўра, хавбек миш-мишларни рад этган. 28 ёшли футболчи ўтган ёзда Бирмингемнинг "Астон Вилла" клубига кўчиб ўтиши мумкин эди. Бироқ ёзги трансфер ойнасининг сўнгги кунларида келишув барбод бўлди.
Пакетанинг "болғачилар" билан амалдаги шартномаси 2027 йилнинг ўрталарига қадар мўлжалланган. Бразилиялик футболчининг бозор нархи 35 миллион еврога баҳоланмоқда.
Лукас Англия Премьер-лигасининг жорий мавсумида 9 та ўйин ўтказиб, 2 та гол уришга муваффақ бўлди.
