"Палмейрас" ҳужумчиси Витор Роке тез орада Европага қайтиши мумкин. Бразилиялик ёш футболчи "Барселона"даги муваффақиятсиз фаолиятидан сўнг ўз ватанида фаолиятини муваффақиятли бошлади.
Журналист Экрем Конурнинг ёзишича, 20 ёшли форварднинг муваффақиятларини Лондоннинг "Челси" ва "Тоттенхэм" клублари кузатиб бормоқда. Шунингдек, "Наполи," "Рома" ва "Бетис" ҳам ушбу футболчига даъвогарлар қаторида тилга олинмоқда. Маълумот учун, ушбу футболчи сўнгги жамоада ижара асосида тўп тепган эди.
Витор Роке барча мусобақаларда "Палмейрас" сафида 48 та ўйинда 17 та гол урди ва тўртта голли узатмани амалга оширди.













