Германия кубоги 1/16 финал босқичи доирасида «Кёльн» — «Бавария» ўйини бўлиб ўтди. Беллашув Кёльндаги «Кёльн» стадионида бўлиб ўтган баҳсда меҳмонлар 4:1 ҳисобида ғалаба қозонишди.

31-дақиқа — мезбонлар ҳужумчиси Рагнар Ахе ҳисобни очди.
36-дақиқа — меҳмонлар форварди Луис Диас ҳисобни тенглаштирди.
38-дақиқа — «Бавария» ҳужумчиси Гарри Кейн жамоасини олдинга олиб чиқди.
64-дақиқа — Кейн иккинчи голини урди.
72-дақиқа — Майкл Олисе «Кёльн» дарвозасига тўртинчи голни киритиб, ўйиндаги якуний ҳисобни ўрнатди.

Кубокнинг илк босқичида «Кёльн» «Ян»ни 2:1 ҳисобида мағлуб этган бўлса, «Бавария» «Веен» устидан 3:2 ҳисобида ғалаба қозонган эди.

Германия кубогининг амалдаги ғолиби — финалда «Арминия»ни 4:2 ҳисобида енгган «Штутгарт» жамоаси ҳисобланади.

Германия кубоги. 1/16 финал
29 октябр, 2025 йил (чоршанба)
Кёльн (Кёльн) — Бавария (Мюнхен) — 1:4
Голлар: 1:0 — Ахе (31), 1:1 — Диас (36), 1:2 — Кейн (38), 1:3 — Кейн (64), 1:4 — Олисе (72).