"Ливерпуль" бош мураббийи Арне Слот жамоа таркиби етарлича кенг эмаслигига шама қилди. Чоршанба куни "қизиллар" ўз уйида Лига кубоги доирасида "Кристал Пэлас"га имкониятни бой берди (0:3). Нидерландиялик мутахассис ҳаддан ташқари ротация қилгани учун танқид қилинди.

"Мен "Манчестер Сити"нинг бугунги бошланғич таркибини кўрдим: улар АПЛнинг сўнгги ўйинига нисбатан 10 нафар футболчини алмаштирди, аммо бундан сифатга катта зарар етмади. "Челси" Эстеваони майдонга тушириши мумкин. Биз эса... Икки ўзгаришни амалга оширганимдан сўнг, майдонда олтита ўсмир пайдо бўлди", - деди Слот ўйиндан кейинги журналистлар билан суҳбатда.

"Ливерпуль" сўнгги етти ўйинда олтита мағлубиятга учради.