"Кристал Пэлас" Англия лига кубоги доирасида "Энфилд"да 3:0 ҳисобида ғалаба қозониб, "Ливерпул"нинг мағлубиятлар сериясини узайтирди.
"Қизиллар" учун бу мағлубият барча мусобақалардаги сўнгги еттита баҳснинг олтинчиси бўлди. Қайд этиш жоиз, Арне Слот "бургутлар"га қарши ўйинда асосий таркибни танламади.
"Бундай таркибни танлаш менга тўғри қарор бўлиб туюлди. Ҳар бир ўйинда асосий таркиб футболчиларидан фойдаланишда давом этсак, жароҳатлар билан боғлиқ вазиятни янада оғирлаштиришимиз мумкин. Клубимизни кузатиб бораётган одамлар бу турнирда ёшларни ўйнатаётганимизни жуда яхши билишади.
"Ливерпул"да ишлаб, натижага эриша олмаганингда доим босим сезилади. Бугунги мағлубият ниманидир ўзгартирди деб ўйламайман. Муваффақиятсиз сериямизнинг кўплаб сабаблари бор, аммо уларнинг ҳеч бири бизни оқламайди", - деди Слот ўйиндан кейинги интервьюсида.
Шанба куни "Ливерпуль" АПЛ доирасида "Астон Вилла"га қарши майдонга тушади.
