«Реал» клуби ҳужумчи Винисиус Жуниор билан шартномани узайтириш ниятидан қайтмагани маълум қилинди. Бу ҳақда Cadena Ser хабар берди.
Манбага кўра, клуб бош мураббий Хаби Алонсо билан Винисиус ўртасидаги муносабатлар илиқ эмаслигига қарамасдан, «Реал» раҳбарияти шартномани узайтириш борасидаги режани ўзгартирмоқчи эмас ва бу масалада ҳали ҳам ишонч билан ҳаракат қилмоқда.
Аввалроқ Винисиус жамоани тарк этиш эҳтимолини кўриб чиқаётгани ва агентидан янги клуб топишни сўрагани ҳақида хабар берилган эди.
Эслатиб ўтамиз, Испания Ла Лигасининг 10-турида «Барселона»га қарши ўйинда (2:1) 72-дақиқада алмаштирилгандан сўнг Винисиус бош мураббий Алонсога нисбатан норозилик билдирган эди. Бу ҳаракати учун Винисиус кейинчалик узр сўради.













