"Манчестер Юнайтед" ҳужумчиси Жошуа Зиркзее фаолиятини Англия премьер-лигасининг бошқа клубида давом эттириши мумкин.
24 ёшли футболчи ўйин амалиёти етишмаслигидан азият чекмоқда, шунинг учун у январь ойидаёқ "қизил иблислар" сафини тарк этиши мумкин. CaughtOffside хабарига кўра, "Астон Вилла" ва "Брайтон" қишки трансфер ойнасида нидерландиялик футболчи учун "Вест Хэм" билан баҳслашишга тайёр.
Келишувни бекор қилиш осон бўлмайди, чунки "Манчестер Юнайтед" Зиркзеени мавсум давомида қўйиб юборишни режалаштирмаяпти, бу ҳақда бошқарувчи Рубен Аморим айтиб ўтган эди.
Transfermarkt портали форварднинг нархини 28 млн еврога баҳоламоқда.
