"Ливерпуль" қанот ҳимоячиси Эндрю Робертсон Шотландия чемпионатига кўчиб ўтиши мумкин. Бу ҳақда Football Insider хабар бермоқда.
Манбага кўра, 31 ёшли футболчини "Селтик" ўз сафига қўшиб олмоқчи. Робертсоннинг Мерсисайд гранди билан меҳнат шартномаси келаси йилнинг ёзида тугайди. Томонлар ҳамкорликни давом эттириш бўйича ҳали келишиб олмаган.
Жорий мавсумда ҳимоячи "қизиллар"нинг 9 та учрашувида қатнашиб, ўз ҳисобига гол ва голли узатма ёздириб қўйди. Transfermarkt портали экспертлари футболчининг бозор нархини 15 миллион еврога баҳоламоқда.













