Португалиянинг "Фамаликан" клуби марказий ҳужумчиси Ясир Забири Европанинг етакчи клублари радарига тушиб қолди. Бу ҳақда журналист Экрем Конур хабар бермоқда.
Манбага кўра, Марокаш терма жамоаси сафида U-20 жаҳон чемпионати ғолибига "Барселона" жиддий қизиқиш билдирмоқда ва аллақачон "Фамаликан" раҳбарияти билан эҳтимолий трансфер бўйича боғланган. Аммо клубга "Севилья," "Порту" ва "Бенфика" ҳам мурожаат қилишга улгурди.
Жорий мавсумда 20 ёшли Забири Португалия чемпионатида учта ўйинда майдонга тушди, аммо самарали ҳаракат қилмади. Transfermarkt маълумотларига кўра, футболчининг бозор нархи 600 минг еврони ташкил этади.
