Portugaliyaning "Famalikan" klubi markaziy hujumchisi Yasir Zabiri Yevropaning yetakchi klublari radariga tushib qoldi. Bu haqda jurnalist Ekrem Konur xabar bermoqda.

Manbaga ko‘ra, Marokash terma jamoasi safida U-20 jahon chempionati g‘olibiga "Barselona" jiddiy qiziqish bildirmoqda va allaqachon "Famalikan" rahbariyati bilan ehtimoliy transfer bo‘yicha bog‘langan. Ammo klubga "Sevilya," "Portu" va "Benfika" ham murojaat qilishga ulgurdi.

Joriy mavsumda 20 yoshli Zabiri Portugaliya chempionatida uchta o‘yinda maydonga tushdi, ammo samarali harakat qilmadi. Transfermarkt ma’lumotlariga ko‘ra, futbolchining bozor narxi 600 ming yevroni tashkil etadi.