Аргентина терма жамоаси ва "Интер Майами" ҳужумчиси Лионель Месси ЖЧ-2026 олдидан ўз жисмоний тайёргарлигини сақлаб қолиш учун МЛСдаги танаффус вақтида Саудия Арабистони жамоасига қўшилишга қизиқиш билдирган. Бироқ Саудия Арабистони спорт идоралари бу ғояни рад этишди, чунки улар ўз лигаларини машғулотлар йиғинига айлантирмоқчи эмаслар.

Манба берган хабарга кўра, Мессининг атрофидагилар ўтган ёзда бўлиб ўтган клублар ўртасидаги жаҳон чемпионати вақтида аргентиналик футболчининг Саудия Арабистонига трансфери бўйича музокара ўтказишга уринган.

Футбол бўйича жаҳон чемпионати шу йилнинг ёзида учта давлатда бўлиб ўтади: АҚШ, Канада ва Мексика.