"Монако" бош мураббийи Себастьен Поконьоли жамоа ярим ҳимоячиси Поль Погбанинг ҳолати ҳақида фикр билдирди.
Аввалроқ, 32 ёшли француз "Монако"нинг "Париж"га қарши бўлажак ўйини қайдномасидан ўрин олиши мумкинлиги ҳақида хабарлар тарқалган эди.
"Ҳа, у қайдномада бўлиши мумкин. У ҳали маълум бир юклама билан машғулот ўтказиши керак ва агар у ўзини яхши ҳис қилса, биз белгиланган режа бўйича ишлашда давом этамиз," - дея Поконьолининг сўзларини келтиради Foot Mercato.
Эслатиб ўтамиз, Погба "Монако" сафига ўтган ёзда келиб қўшилган, аммо ҳозирча жамоа сафида дебют қилгани йўқ.
