Мадриднинг "Реал" клуби бош мураббийи Хаби Алонсо жамоа ҳужумчиси Винисиус Жуниор билан боғлиқ вазиятга изоҳ берди.
Эслатиб ўтамиз, Алонсо Испания Ла Лигасининг 10-туридан ўрин олган "Барселона"га (2:1) қарши ўйинда Винисиусни захирага олди ва бу бразилиялик футболчига ёқмади.
«Винисиус жазоланмайди. Ушбу масалани ёпиқ деб ҳисоблаш мумкин. У барчамиздан узр сўради», - дея испаниялик мураббийнинг сўзларини келтиради журналист Фабрицио Романо.
Жорий мавсумда 25 ёшли Винисиус барча мусобақаларда 13 та ўйинда майдонга тушиб, 5 та гол урди ва 4 та голли узатмани ўз ҳисобига ёздириб қўйди.
