"Манчестер Сити" бош мураббийи Хосеп Гвардиола яқинда жароҳатидан фориғ бўлган ҳужумчи Омар Мармуш ҳақида гапирди. Ҳафта давомида мисрлик футболчи Лига кубоги доирасида "Суонси"га қарши ўйинда гол урди.
"Ҳужумда ўйнайдиган футболчиларга голлар ишонч бағишлайди. Умид қиламанки, Мармуш олдинга силжишда давом этади - голлар борасида ҳам, бошқа жиҳатлар бўйича ҳам," - деди Гвардиола матбуот анжуманида.
"Манчестер Сити" Англия чемпионати доирасидаги "Борнмут"га қарши уй учрашувига тайёргарлик кўрмоқда. Ўйин 2 ноябрь куни Тошкент вақти билан 21:30 да бошланади.













