"Манчестер Сити" ярим ҳимоячиси Родри октябрь ойи бошида бўлиб ўтган "Брентфорд"га қарши ўйинда жароҳат туфайли алмаштирилди. "Шаҳарликлар" бош мураббийи Хосеп Гвардиола яхши хабарни эълон қилди - Родри "Борнмут"га қарши ўйинга тайёр бўлиши керак.
"Ўйлайманки, Родри ёрдам беришга тайёр бўлади. Билмадим, у дастлабки дақиқалардан майдонга туша оладими, лекин умид қиламанки, у биз билан бирга бўлади," - деди Гвардиола жума кунги матбуот анжуманида.
Футбол бўйича Премьер-лига доирасидаги "Манчестер Сити" - "Борнмут" учрашуви 2 ноябрь, якшанба куни бўлиб ўтади.
