Ҳужумчи Эрлинг Холанд соғлиғи билан боғлиқ муаммоларга дуч келмоқда.
У Лига кубоги ўйинини ("Суонси Сити"га қарши) ўтказиб юборди. Жума куни бўлиб ўтган матбуот анжуманида Хосеп Гвардиоладан норвегиялик футболчи ўйнашга тайёрми ёки йўқми деб сўрашди.
"Холанд ўйнашга тайёрми? Ҳа. Родри? Олдиндан билмайман, лекин умид қиламанки, у биз билан бирга бўлади.
Родри ҳам ўйнашни хоҳлайди. У бир неча бор сафдан чиққан ва биз ҳаммамиз унинг жамоа учун қанчалик муҳимлигини биламиз", деди Гвардиола журналистларга.













