"Барселона" бош мураббийи Ханс-Дитер Флик Ла Лига доирасидаги "Эльче"га қарши ўйини ҳақидаги фикрлари билан ўртоқлашди.
Ўйин якшанба куни бўлиб ўтади, унинг бошланиши Тошкент вақти билан соат 22:30 га белгиланган.
"Менга "Эльче" кўрсатадиган футбол ёқади. Биз учун позицияни тўғри танлаш ва яхши прессинг қилиш муҳим бўлади. Жамоамиз яхши ҳолатда, сўнгги икки кун ичида машғулотларда кўрганларимдан жуда мамнунман," - деди Флик матбуот анжуманида.
"Барселона" Испания чемпионатининг 10-туридан кейин 22 очко тўплаган ҳолда мусобақа жадвалида 2-ўринда бормоқда. "Эльче" - 14 очко билан тўққизинчи.
