Gradient Sports статистика портали ўртача 90 дақиқа давомида энг кўп масофа босиб ўтган футболчилар рейтингини эълон қилди.
Тадқиқотга Европанинг бешта энг яхши лигасида ўйнаётган футболчилар киритилган. Биринчи ўринни Франциянинг "Анже" жамоаси ярим ҳимоячиси Ясин Белхдим эгаллади, у ҳар бир ўйинда ўртача 11,7 километр масофани босиб ўтди.
Иккинчи поғона Испаниянинг "Алавес" жамоасидаги Жон Гуридига (11,4 километр) ва учинчи ўрин Германиянинг "Хайденхайм" жамоаси ярим ҳимоячиси Лука Керберга (11,3 километр) насиб этди.













