Мадриднинг "Реал" клуби ярим ҳимоячиси Федерико Вальверде жамоадоши Килиан Мбаппенинг ўйини ҳақида қандай фикрда эканини айтди.
Франциялик ҳужумчи шанба куни Ла Лига доирасида "Валенсия"га қарши кечган баҳсда (4:0) дубль қайд этди.
"Умид қиламанки, Килиан гол уришда ва ўйиндан завқланишда давом этади. У "Реал"да ҳали кўп нарсага эришиши керак. Мбаппе - дунёнинг энг яхши ўйинчиларидан бири, шунинг учун муваффақиятли бўлади. Бизнинг вазифамиз - у учун имкон қадар кўпроқ сифатли вазиятлар яратиш," - дея Вальверденинг сўзларини келтиради Madrid Universal.
Килиан Мбаппе жорий мавсумда Хаби Алонсо жамоаси сафида барча мусобақаларда 14 та ўйинда майдонга тушиб, 18 та гол уришга эришди.
