Испанияда Ламин Ямалнинг футбол билан боғлиқ бўлмаган муаммолари ҳақида мунозаралар давом этмоқда, бу унинг муваффақиятли фаолиятига халақит бериши мумкин, деб айтишмоқда. Бу ҳақида журналист Рамон Беса гапирди.
"Биз ҳаммамиз ўзимизни Ямалнинг маслаҳатчилари, ўқитувчилари, оталари сифатида кўрсатяпмиз ва ҳар биримиз у нима қилиши кераклигини биламиз, лекин биз шунчаки унинг ўзига қўйиб беришимиз керак.
Эҳтимол, Ламин ҳеч кимга ўрнак бўлишни истамайди. У Ла Масияда ўсган, у ерда маълум қоидаларга амал қилган ва энди у ўз тақдирини ўзи белгилаши керак", – деди журналист.
