Суперлиганинг 27-тур баҳсида "Нефтчи" Термизнинг "Сурхон" клубини қабул қилади.

Статистикага назар ташлаймиз. "Нефтчи" жамоаси "Сурхон" клуби билан миллий чемпионатимиз доирасида ўзаро 31 марта тўқнашган бўлиб, бундан 20 тасида фарғоналикларнинг қўли баланд келган бўлса, 10 та ўйинда жамоалар муроса кўчасини танлашган ва фақат битта беллашувда "Сурхон" жамоаси ғалаба қозонишга муваффақ бўлган.

"Нефтчи"нинг ўзаро учрашувлардаги энг йирик ғалабаси 5:0 кўринишида қайд этилган. Термизликларнинг ягона ғалабаси эса 1999 йилда 2:1 ҳисоби билан якун топган. Умумий тўплар нисбати 72-23 фарғоналиклар фойдасига.

Фарғонада кечган сўнгги 5 учрашув натижалари қуйидагича

15.06.2024.
"Нефтчи"-"Сурхон" 1:1
22.10.2023.
"Нефтчи"-"Сурхон"  1:1
12.11.2022.
"Нефтчи"-"Сурхон"  3:0
19.06.2004.
"Нефтчи"-"Сурхон"  3:0
19.04.2003.
"Нефтчи"-"Сурхон"  2:0

Эслатиб ўтамиз, Суперлиганинг 27-тур доирасидаги "Нефтчи"-"Сурхон" беллашувини Ғайрат Жўраев бошчилигидаги ҳакамлар гуруҳи бошқариб боради. Учрашув соат 15:00 да бошланади.