«Милан» ҳужумчиси Рафаэль Леау «Рома» устидан қозонилган минимал ғалабадан сўнг ўз фикрларини билдирди.
«Россонерилар» А Сериянинг 10-туридаги учрашувда ягона голни 39-дақиқада Страхиня Павлович орқали урди — бу голга айнан Леаунинг узатмаси сабаб бўлди.
«Менинг вазифам — жамоа учун ишлаш, индивидуал маҳоратини намойиш қилиш эмас. Бу энг муҳим нарса. Биз ҳеч қачон таслим бўлмаймиз. Меньяннинг сэйви ўйинда ҳал қилувчи лаҳза бўлди. Биз ғалабани сақлаб қолишимизга ишонган эдик ва шундай ҳам бўлди. Бугун голли вазиятларда рақибдан устун бўлдик, шунинг учун жуда хурсандмиз», — деди португалиялик ҳужумчи DAZNга берган интервьюсида.
«Милан» А Серия жадвалида учинчи ўринни эгаллаб турибди ва етакчи «Наполи»дан бор-йўғи бир очкога ортда қолмоқда.
