«Барселона» ярим ҳимоячиси Марк Касадо жамоанинг «Эльче»га қарши 3:1 ҳисобидаги ғалабасидан сўнг жамоа ўйини ҳақида фикр билдирди.
Якшанба куни «кўк-анорранглилар» Ла Лиганинг 11-турида ғалаба қозонди — голлар Ламин Ямал, Ферран Торрес ва Маркус Рэшфорд ҳисобига ёзилди.
«Бизда ҳали ишланадиган жиҳатлар кўп. Иккинчи бўлимда ўйиннинг айрим жиҳатларини яхшироқ назорат қилишимиз керак эди. “Эльче” кўп бўш жой қолдирди ва биз бу имкониятлардан фойдаландик, вазиятлар яратдик. Охирги 10–15 дақиқа ёмон бўлмади, аммо биз янада ривожланишимиз лозим», — деди Касадо матбуотга берган интервьюсида.
Эслатиб ўтамиз, Ханс-Дитер Флик жамоаси чоршанба куни Чемпионлар лигасида Бельгиянинг «Брюгге» клубига қарши баҳс олиб боради.
