«Барселона» ҳужумчиси Ферран Торрес жамоа сафидаги 50-голини урди. Испаниялик футболчи якшанба куни Ла Лиганинг «Эльче»га қарши баҳсида (3:1) гол уриб, бу натижага эришди.
Учрашувдан сўнг 25 ёшли ҳужумчи журналистлар билан суҳбатда шундай деди:
«Бу менинг “Барселона” учун 50-гoлим эканлигини билмасдим, лекин жуда хурсандман. Олдинда яна кўп голлар бор. Мавсумни яхши бошладим, мураббий ҳам, жамоа ҳам мендан мамнун. Мен шиддат билан меҳнат қилишда давом этаман», — дея Торреснинг сўзларини келтирган Barca Universal нашри.
Ферран Торресга «кўк-анорранглилар» сафида 50 гол уриш учун 170 та учрашув керак бўлди. Эслатиб ўтамиз, футболчи 2022 йил бошида «Манчестер Сити»дан Каталония клубига ўтган эди.
