«Барселона» ярим ҳимоячиси Фермин Лопес сўнгги учрашувларда ажойиб спорт формасини намойиш этмоқда.
Якшанба куни 22 ёшли испаниялик футболчи «Эльче»га қарши (3:1) баҳсда икки голли узатма бериб, «кўк-анорранглилар» ғалабасига катта ҳисса қўшди. Бир ҳафта олдин у «Реал»га қарши «эл-класико»да (1:2) жамоасининг ягона голини урган эди, 21 октябрь куни эса Чемпионлар лигасидаги «Олимпиакос»га қарши ўйинда (6:1) хет-трик қайд этган.
Шу тариқа, Лопес сўнгги уч ўйинда 6 та самарали ҳаракатни (4 гол + 2 ассист) амалга оширди.
Эндиликда Ханс-Дитер Флик жамоаси 5 ноябрь куни Чемпионлар лигасида Бельгиянинг «Брюгге» клубига қарши майдонга тушади.
