«Барселона»нинг англиялик вингери Маркус Рэшфорд яна бир бор ажойиб ўйин намойиш этди. Якшанба куни «кўк-анорранглилар» ўз майдонида «Эльче»ни 3:1 ҳисобида мағлуб этди, ўйиндаги сўнгги гол айнан Рэшфорд томонидан урилди.

Англиялик футболчи учрашувнинг энг яхши ўйинчиси деб топилди — бу мавсумда у бу мақомни иккинчи бор қўлга киритди. The Touchline маълумотига кўра, «Барселона» сафида бу мукофотни ундан кўпроқ фақат Ламин Ямаль олган — 5 марта. Фермин Лопес ҳам икки марта энг яхши ўйинчи деб тан олинган.

Эслатиб ўтамиз, «Барселона» чоршанба куни Чемпионлар лигасида сафарда Бельгиянинг «Брюгге» клубига қарши ўйин ўтказади.

Маркус Рэшфорднинг «Манчестер Юнайтед»дан ижара шартномаси жорий мавсум охиригача амал қилади.