«Фиорентина» бош мураббийи Стефано Пиоли яқин соатларда ишидан бўшатилиши мумкин. Якшанба куни «бинафшаранглилар» ўз майдонида «Лечче»га 0:1 ҳисобида ютқазиб, яна бир мағлубиятни қайд этди.
10 турдан сўнг жамоа А Серия жадвалида 4 очко билан сўнгги ўринлардан бирини эгаллаб турибди ва ҳалигача бирор ғалаба қозонмаган. Фабрицио Романо маълумотига кўра, Пиоли ишдан бўшатилишга яқин турибди ва унинг истеъфоси яқин кунларда расман эълон қилиниши кутилмоқда.
«Фиорентина» бош мураббийи лавозимига эҳтимолий номзодлар орасида Тьяго Мотта, Даниэле Де Росси ва бошқа машҳур мутахассислар бор.
Эслатиб ўтамиз, Стефано Пиоли жамоани жорий мавсум бошланишидан олдин, июль ойида қабул қилган эди.
