Италиялик футбол мураббийи Жованни Галеоне якшанба куни шошилинч тиббий ёрдамдан сўнг Удине шаҳридаги шифохонада вафот этди.

Удинелик мураббий 84 ёшда эди. Галеоненинг мураббийлик фаолияти 32 йил давом этган ва шу вақт ичида у Италиянинг бир қанча клубларини, жумладан, «Наполи», «Удинезе», «Пескара» ва «Перуджа»ни бошқарган.

"Президент Аурелио Де Лаурентис ва бутун “Наполи” жамоаси Италия футболи рамзи ва жамоамизнинг собиқ устози Жованни Галеоненинг вафоти муносабати билан биз билан бирга мотам тутмоқда", — дейилади “Наполи” матбуот хизматининг клуб ижтимоий тармоқларида эълон қилинган баёнотида.

Галеоненинг сўнгги мураббийлик лавозими “Удинезе” (2006–2007) бўлган. 2013 йилда у расман нафақага чиқди.