"Сантос" ҳужумчиси Неймар Бразилия терма жамоасининг 2025 йилдаги сўнгги икки ўртоқлик ўйини қайдномасидан ўрин олмади.
15 ноябрь куни Бразилия Лондонда Сенегал билан, 18 ноябрда эса Франциянинг Лилль шаҳрида Тунис билан ўйнайди.
Бразилия терма жамоаси бош мураббийи Карло Анчелотти 33 ёшли Неймарни чақирилган футболчилар рўйхатига киритмади. Шу билан бирга, у ерга "Палмейрас" ҳужумчиси Витор Роке кирди.
Аввалроқ Неймар тизза ости пайидан олган жароҳатидан фориғ бўлган ва Бразилия чемпионатининг "Форталеза"га қарши ўйинида (1:1) майдонга тушганди.
