Италиялик 60 ёшли мутахассис Стефано Пиоли "Фиорентина" бош мураббийлигидан истеъфога чиқарилди. Бу ҳақда "бинафшалар" матбуот хизмати хабар бермоқда.
Пиоли жорий йилнинг июль ойидан буён Флоренция жамоасини бошқариб келаётган эди. Унинг қўл остида жамоа Италия чемпионатида ўнта ўйин ўтказиб, тўртта дуранг ва олтита мағлубият билан бирорта ҳам ғалаба қозона олмади. Еврокубокларда "Фиорентина" тўртта ўйиннинг барчасида ғалаба қозонди.
Клуб ўн турдан сўнг А Серия турнир жадвалининг энг қуйи поғонасида бор-йўғи 4 очко билан бормоқда.
