"Ливерпуль" жамоанинг асосий футболчисига янги узоқ муддатли шартнома таклиф қилмоқчи.
Журналист Николо Скиранинг эксклюзив маълумотига кўра, мерсисайдликлар раҳбарияти тез орада Доминик Собослаи билан ҳамкорликни узайтиришни режалаштирмоқда. Унинг "қизиллар" билан тузадиган янги шартномаси 2030 йил июнь ойи охиригача ёки 2031 йилгача амал қилади. 25 ёшли венгрнинг клуб билан амалдаги шартномаси 2028 йилнинг июнь ойи охиригача мўлжалланган.
Эслатиб ўтамиз, "Ливерпуль" Собослаини 2023 йилнинг ёзида "РБ Лейпциг"дан 70 миллион еврога сотиб олган эди.
Доминик Собослаи бу мавсумда "Ливерпуль" сафида барча мусобақаларда 14 та ўйинда майдонга тушиб, 2 та гол урди ва 4 та голли узатмани амалга оширди. У мерсисайдликлар сафида жами 108 та учрашувда 17 та гол ва 18 та голли узатмани амалга оширган.
