Андреас Кристенсен "Барселона"нинг умумий гуруҳига қайтган кунининг эртаси куни жароҳат олди.
Каталония клуби ҳимоячиси бугунги машғулотларни муддатидан олдин тарк этди, дея хабар бермоқда Marca. Унинг Чемпионлар Лигасининг эртанги "Брюгге"га қарши ўйинида майдонга тушиши даргумон.
Кристенсен душанба куни мушакларидаги ноқулайлик туфайли "Реал" ва "Эльче" билан ўйинларни ўтказиб юборганидан кейин "Барселона"нинг умумий гуруҳига қайтганди. Аввалроқ даниялик футболчи ошқозон-ичак касаллиги туфайли "Олимпиакос" билан ўйнамаган эди.













