Италия терма жамоасининг собиқ бош мураббийи Роберто Донадони B Серия клуби — «Специя» жамоаси мураббийига айланди. Бу ҳақда Италия клубининг расмий сайти хабар берди.

Мураббийнинг янги жамоаси билан тузган шартномаси 2026 йил ёзигача амал қилади. Ҳозирги пайтда «Специя» B Серия жадвалида 19-ўринни эгаллаб турибди. Клуб тарихидаги энг ёрқин ютуқлардан бири — 1943/44 йилги мавсумдаги чемпионлик ҳисобланади.

Аввалроқ Донадони «Женоа», «Ливорно», «Наполи», «Кальяри», «Парма», «Болонья» каби клубларда фаолият юритган. Шунингдек, у 2006–2008 йилларда Италия терма жамоасига бош мураббийлик қилган.