Португалия терма жамоаси ва «Ан-Наср» ҳужумчиси Криштиану Роналду ўзини яхши футболчи бўлишини қачон англагани ҳақида сўзлаб берди.
«Ҳатто 17 ёшимда ҳам рақиблардан тезроқ ва ақллироқ эдим. Ана ўша пайтда сен тушунасанки… яхши [футболчи] бўласан», — деди Роналду журналист Пирс Морганга берган интервьюсида.
Роналду Португалиянинг «Спортинг» академияси тарбияланувчиси ҳисобланади. У 17 ёшида Лиссабон клубидан «Манчестер Юнайтед»га ўтган. 2008 йилда футболчи «қизил иблислар» сафида ўз фаолиятидаги илк «Олтин тўп»ни қўлга киритган. Кейин, 2009 йилда у Мадриднинг «Реал» клубига ўтиб, у ерда яна тўрт марта «Олтин тўп» совриндорларидан бирига айланган.













